 作者：朱海洪 滬語改寫：邊秦翌 滬語講述：王浩峰 第二天,，金偉成穿仔雙小皮鞋來尋阿蹺,。阿蹺一句閑話也勿講，馬上拿伊個(gè)小皮鞋擦得晶晶亮,，旁邊個(gè)小朋友眼烏珠儕瞪大了,，邪氣眼癢。 有辰光嘸沒生意,，阿蹺就撥伊個(gè)拐杖隑勒墻角,，自家懶洋洋個(gè)靠勒墻壁坐勒地浪向，看人來車往,，朝對面“新閘救火會(huì)”個(gè)紅房子發(fā)呆,。太陽落山，伊再撐起拐杖,，揹勒鞋箱,，勒勒夕陽個(gè)余暉里，拖一根長長個(gè)背影一家頭回去,。 春去秋來,、朝至暮歸，阿蹺一直勒“天樂”門口頭擺攤擦皮鞋,。伊個(gè)皮鞋攤搭對過個(gè)紅房子擺勒一道,，倒是十字路口個(gè)一道風(fēng)景。 終于有一天,，紅房子還勒海,，阿蹺消失勿看見了。我勿曉得阿蹺為啥消失,；我只曉得,，阿蹺消失了，擦皮鞋迭個(gè)行當(dāng)也就消失了,。 真?zhèn)€,！從此以后，我就再也嘸沒勒勒上海馬路浪看到過“擦皮鞋”了,。 “剃頭嘍,！” 弄堂里飄上來一聲吆喝，姆媽推開窗朝下頭喊一聲：“長腳,，剃頭,！” “長腳”是剃頭師傅，揚(yáng)州人,，高高瘦瘦,，背有眼呴,。 剃頭匠里揚(yáng)州人最多勒，大約摸有得70%伐,。揚(yáng)州出美女,，也出剃頭匠，兩者之間是勿是有得關(guān)聯(lián),，待考證,。但是剃頭手藝個(gè)興盛搭仔頭發(fā)有的關(guān)系，搿是鐵板高頭釘釘子,，確鑿無疑個(gè),。 古代個(gè)辰光，漢族男人頭發(fā)長了是勿能剪個(gè),，要拿長發(fā)盤束于頂,，用白布包起來，號稱是：“身體發(fā)膚,，受之父母,，不敢毀傷，孝之始也,?！?/span> 漢人發(fā)膚個(gè)毀傷始于滿清入關(guān)。 滿人本來是東北個(gè)游牧民族,，以打獵為生,。因?yàn)榇颢C個(gè)辰光頭發(fā)會(huì)得撥風(fēng)吹散擋牢眼睛，還容易纏牢樹枝,，勿利于射箭搭仔追趕獵物,，滿族男人就拿額角頭一圈頭發(fā)剃清爽，腦袋后頭個(gè)頭發(fā)扎一條長辮子,。習(xí)慣成自然,，梳辮子就成了滿族男人個(gè)標(biāo)志。 游牧民族得到了天下,，要來掌控農(nóng)耕民族,，心里勿是最最踏實(shí)，生怕?lián)軡h人同化了去,，滿清政府個(gè)第一步,，就要求所有個(gè)臣民“剃發(fā)易服”,，等于是讓漢人滿族化,。漢族搭仔其他少數(shù)民族儕勿肯，就奮起反抗,，最后遭到清廷個(gè)武力鎮(zhèn)壓,。 1645年,，清軍圍攻揚(yáng)州，史可法帶領(lǐng)軍民抵抗七日七夜,，最后寡不敵眾,，城陷；史可法撥捉起來了,，伊勿肯投降,，最后撥殺脫了。清軍損傷慘重,，報(bào)復(fù)性個(gè)縱兵屠掠,，十日封刀；揚(yáng)州城尸橫遍野,，人間地獄,。 搿就是歷史浪有名個(gè)“揚(yáng)州十日”。現(xiàn)代作家郁達(dá)夫曾經(jīng)作詩： 三百年來土一丘,，史公遺愛滿揚(yáng)州,； 二分明月千行淚，并作梅花嶺下秋,。 “揚(yáng)州十日”之后,，清政府下令，“留頭勿留發(fā),，留發(fā)勿留頭”,；規(guī)定所有男人個(gè)腦袋必須要弄成功滿族人發(fā)型個(gè)樣子，就是剃額角頭梳辮子,，否則小命勿保,。 從此有了剃頭匠。 最開始個(gè)剃頭匠是朝廷個(gè)公差,，相當(dāng)于搿歇個(gè)公務(wù)員啦,，坐鎮(zhèn)剃頭棚。 剃頭棚里向擺勒一只木臺(tái),，旁邊豎一根旗桿,，旗桿浪向掛勒責(zé)令剃發(fā)個(gè)圣旨。愿意剃發(fā)梳辮子個(gè)就坐到木臺(tái)浪,；啥人敢違抗,，“留發(fā)勿留頭”。剃頭匠撥違抗者個(gè)腦袋按勒木臺(tái)子浪,，只聽到“咔擦”一刀,，然后就拿人頭厾到旁邊個(gè)圓桶籠子里向。 “留發(fā)還是留頭”,，大概是蠻讓人糾結(jié)個(gè),，只要有得反抗個(gè),，基本浪就嘸沒頭了呀。所以前明遺老雪庵和尚曾經(jīng)作了一首《剃頭詩》來諷刺： 聞到頭堪剃 而今盡剃頭 有頭皆要剃 不剃不成頭 剃自由伊剃 頭亦是我頭 請看剃頭者 人亦剃其頭 二百多年之后,，“剃頭者”自家頭浪個(gè)辮子也撥辛亥革命剃脫了,。 回過頭再講剃頭匠，因?yàn)橐觐^而有剃頭挑子,。有一句俗話,，講“剃頭挑子一頭熱”，就是剃頭個(gè)原始形態(tài),。 挑子熱個(gè)搿頭是之圓桶木籠,，曾經(jīng)裝過人頭，后首來調(diào)成了小火爐,。爐子浪擺一只大圈口個(gè)黃銅盆,，盆里向盛熱水，木桶下頭三腿鼎立,，其中一條腿往高頭延伸成為旗桿,，桿浪向肯定嘸沒老底子個(gè)圣旨了呀，反而掛一塊鋼刀布搭仔毛巾,。冷個(gè)伊頭是只紅漆長方凳,，代替了老底子砍頭辰光起砧墩板作用個(gè)木臺(tái)子。凳腿之間夾置三個(gè)抽斗,，最高頭個(gè)抽斗放鈔票,，鈔票從凳面浪開個(gè)小小個(gè)長方形洞洞里塞進(jìn)去，第二搭仔第三只抽斗分別放置圍布,、刀,、剪咾啥個(gè)工具。剃頭匠用扁擔(dān)拿兩頭一串,，挑勒海走街串巷,。 走發(fā)走發(fā)，走出了理發(fā)店,、美發(fā)廳,，甚至美發(fā)美容院。 往期回顧： 圖：網(wǎng)絡(luò) / 編輯：渺渺
|
|
|
