【原】記憶中的老虎灶

渺渺m69vnzsah9 2020-12-29

展開全文

滬語朗讀：趙永芳

朗讀者

記憶中的老虎灶

作者：鄭自華

滬語改寫：郭莉

朗讀：趙永芳

推薦：丁迪蒙

阿拉屋里對過有只老虎灶,。阿拉此地個馬路邪氣狹窄,，像上海所有小馬路一樣嘸沒一點名氣。小辰光我對老虎灶也嘸沒啥好感,。

迭個是一幢老式公房,，是國民黨四大家族個資產(chǎn)。本來整幢房子只有阿拉屋里一家人家,，包括客堂間,、灶披間、亭子間,、三層閣,。不過一幢房子最好個部位——前樓，倒是住了別人,。聽我姆媽講,，伊個阿公，也就是我個老爹認為,，前樓正好對牢老虎灶,，勿吉利。有一個風水先生看了講,，勒勒屋頂浪向放三只老酒瓶,，就可以逢兇化吉；后來又請了一個大師級個風水先生,，伊又講,，對過個老虎灶以毒攻毒,，勒勒伊自家屋頂浪放了一塊鏡子，所以阿拉用酒瓶根本就嘸沒用場了?，F(xiàn)在,，要解決問題，最好個辦法只有拿前樓租撥別人家,。想勿到阿拉剛剛拿前樓租出去,，上海就解放了，阿拉迭個房子屬于敵偽資產(chǎn),，全部收歸國家所有,，阿拉也就成了房客。原來租出去個前樓自然也歸了別人家了,。從此,，我對老虎灶就有了偏見。

勒我個記憶里向,，阿拉屋里是從來也勿搭老虎灶打交道個,，因為阿拉有煤氣。煤氣有兩只火頭,，火頭又特別大,，用起來清清爽爽，燒水燒飯當然儕是用煤氣,。不過我對老虎灶還是邪氣熟悉個,，畢竟開門就面對牢伊嘛。所謂老虎灶,，是因為伊個爐膛口開勒正前方,，賽過一只張開嘴巴個老虎，灶頭后面有一根高高豎起來個煙囪管,，正好像是老虎翹起來個尾巴,，所以上海人儕叫伊“老虎灶”。

做老虎灶是只苦生活,。每日天凌晨三點多就要開工,，到了五點多就會得有人來泡開水個。老虎灶是木桶挑水,，勺子舀水,，人工燒火，白天有空還要到處去尋廢木料當柴爿,。老虎灶一般有兩到三只鑊子,，頂前頭搿只是直接燒開水個，后頭兩只鑊子是利用前頭鑊子爐火個熱量,，先加溫預熱,，一旦前頭鑊子里開水用得差勿多了,，后頭鑊子里熱水就馬上補到前頭個鑊子里，搿能,，既節(jié)省了柴火,，又保證了開水供應個速度。1956年,，老虎灶組織起來走“合作化道路”,，用國營企業(yè)個一套模式來管理老虎灶了。

勒老虎灶泡開水,，一分洋鈿沖滿一只熱水瓶。單靠迭個一分洋鈿,，老虎灶是活勿下去個,，所以，勒老虎灶門口擺幾只方臺子,，老虎灶收點茶位費,，茶客一般儕是自家自備點心搭仔茶葉，吃吃喝喝,，天南海北家長里短嘎山湖,，散播來自多種渠道個各式各樣個信息。到了十點鐘橫里,，茶客開始前后腳回去準備吃中飯了,。中浪向，老板稍微歇脫一息,，到三點鐘橫里,，又開始忙起來了。伊眼做苦力生活個人下班了,。譬如拉勞動車個師傅,，一身臭汗，自家屋里向是嘸沒汏浴條件個,，天熱馬馬虎虎勒后天井里沖一把,，天冷就板定要到老虎灶汏浴，搿搭汏浴只要八分洋鈿,。勒勒門口掛塊布簾子,，里向是只長圓形個大木盆，老虎灶熱水源源勿斷,。迭個盡管邪氣簡陋,，但是熱氣騰騰，生意興隆,，甚至還有擦背敲背個服務,。

想勿到我上班以后,，日日儕要搭老虎灶打交道，因為單位跟老虎灶一樣是商業(yè)服務系統(tǒng),。阿拉單位小,，嘸沒自家燒水個條件，只好到老虎灶泡開水,。單位里個大熱水瓶泡一只要兩分,，阿拉儕是先去買好100根籌子。由于老虎灶勿景氣,，再加有眼小商店附近也嘸沒老虎灶,，乃末職工吃茶吃開水就成為了實際大麻煩。所以上級工會搞調(diào)查研究,，專門調(diào)研小企業(yè)職工個吃開水,、吃飯、上廁所咾啥具體問題,。根據(jù)“小額,、合理、必須”三條原則,，規(guī)定職工可以到商店附近居民屋里解決,，費用就請居民寫張收條。

上海從伊開始建立,，就有老虎灶了,。上世紀50年代好講是老虎灶個鼎盛時期，迭個辰光全市有兩千多家老虎灶,。后首來因為供水系統(tǒng)勿斷完善,，居民住房設施勿斷改進，老虎灶大量減少,，到上世紀90年代中期,，市區(qū)老虎灶基本嘸沒了，到2003年10月,，南市老西門最后一家老虎灶關門,，從此，市區(qū)老虎灶就絕跡了,。